اجمل ما غنت فيروز........

فيروز
سفيرتنا الى النجوم هذا الصوت الملائكي الذي لا يحلو صباحنا دون سماعه
انها لا تغني بل تغرد باعذب الالحان وتاسر القلوب برقه كلماتها وعذوبه صوتها
انها بحق تستحق لقب سفيره النجوم
اصدقائي من منا لا تطربه السيده فيروز من منا لا يستمع ال شجيها كل صباح
تعالوا لنغني ونستعيد اغني فيروز واتمنى من جميع الاعضاء مشاركتنا بكلمات لاغنيات الرائعه فيروز وسابدا معكم ب اغنيه

جايبلي سلام - الأخوين رحباني

أوف أوف بكير طل الحب ع حي لنا

حامل معو عتوبي و حكي و دمع و هنا

كنا و كانوا هالبنات مجمعين

يامي و ما بعرف ليش نقاني أنا

جايبلي سلام عصفور الجناين

جايبلي سلام من عند الحناين

نفض جناحتو عا شباك الدار

و متل اللي بريشاتو مخبي سرار سرار

قلي عالرماني غطيت و حكاني

و بعيونو الدبلاني شفت الهوى باين

شو قلي شو قلي عتبان المحبوب

ما بدك تطلي ابعتيلو مكتوب

وديلو شي ورقا عليها كتيبه زرقا

و امرقيلك مرقا مطرح منو ساكن

كل ليلة عشيي قنديلك ضويه

قوي الضو شويي و ارجعي وطيه

بيعرفها علامة و بيصلي تتنامي

و تقومي بالسلامة و يبقى قلبك لاين

جايبلي سلام عصفور الجناين

جايبلي سلام من عند الحناين

طبعا فيروز من الذين نسميهم المنقرضين لئن لم يعد هناك من يغني بصوت فيروز

وشكرا لكي على هذا الموضوع أختي الجولانيه

لما ع الباب
لما عالباب يا حبيبي منتودع
بيكون الضو بعدو شي عم يطلع
بوقف طلع فيك و ما بقدر أحكيك
وبخاف تودعني و تفل و ما ترجع
بسكر بابي شوفك ماشي عالطريق
فكر أنزل أركض خلفك عالطريق
و تشتي عليي ما تشوفك عينيي
و أنا أركض وراك أمدلك أيديي
و أندهلك أنطرني حبيبي و ما تسمع
ما رح ترجع بعرف أنن غيروك
يا حبيبي و عذبوني و عذبوك
سهروا عينينا و فرقوا أيدينا
و صرنا كتير نخاف اذا نحنا تلاقينا
ما بنتلاقى الا وقت اللي منتودع

ما في حدا لا تندهي ما في حدا
عتم و طريق و طير طاير عالهدا
بابن مسكر و العشب غطى الدراج
شو قولكن صاروا صدى؟
مع مين بدك ترجعي بعتم الطريق
لا شاعلة نارن و لا عندك رفيق
يا ريت ضوينا القنديل العتيق بالقنطرة
يمكن حدا كان اهتدى و ما في حدا
يا قلب اخرتا معك تعبتني
شو بك دخلك صرت هيك و شو بني
ياريتني سجرة على مطل الدنيي
و جيرانها غير السما و غير المدى ما في حدا

كنا نتلاقى من عشية

ونقعد على الجسر العتيق

وتنزل على السهل الضبابة

تمحي المدى وتمحي الطريق

ما حدا يعرف بمطرحنا

غير السما وورق تشرين

ويقلي بحبك أنا بحبك

ويهرب فينا الغيم الحزين

يا سنيني اللي رحتي ارجعيلي

رجعيلي شي مرة ارجعيلي

وانسيني ع باب الطفولة

ت أركض بشمس الطرقات

يا سنيني اللي رحتي ارجعيلي

رجعيلي شي مرة ارجعيلي

ورديلي ضحكاتي اللي راحوا

اللي بعدا بزوايا الساحات

بتذكر شو حكيوا عليي

لما نطرت وأنت نسيت

وصار الشتي ينزل عليي

وإجا الصيف وانت ما جيت

يا سنيني اللي رحتي ارجعيلي

رجعيلي شي مرة ارجعيلي

وانسيني ع باب الطفولة

ت أركض بشمس الطرقات


السيدة فيروز من عمالقة الفن الاصيل

ومن ذكريات الزمن الجميل

مشكورة جولانية

سمرة يم عيون وساع

فيروز



سمرة يم عيون وساع والتنورة النيلية

مطرح ضيِّق ما بيساع رح حطِّك بيعينيِّي

يا عيني عاهالعينين العَ دنية ورد انفتحوا

وكيف مالتفتوا عالميلين قلوب قلوب بيندبحوا

في نجم بلفتاتِك ضاع حكيت عنُّو غنِّية

وسحرِك يللي ما بينباع مبكي الوردة الجورية

لما تكوني حدِّي بشوف الدنيا مزارع ورد وفل

جوانح تعبانة ورفوف وسفينة توقوق وتطل

ولما الأسرار بتنزاع وبزعل من شي خبرية

بتقوليلي رجاع رجاع مدري شو بيصير فيي

موال :

جلسة لنا وعالحب مجتمعين وبنينا عالمقعد مجانين

ولك قربي صوبي تنحكي شوي عيوني وقلبي وسر هالحلوين

مبارح كانت عمتقول عصفورة لأختها بالسر

شالك يا سمرة مغزول من لون الزهر المخضرّ

خليني بعينيك شراع قاصد مينا منسيِّة

وسحرك يللي ما بينباع مبكي الوردة الجورية

وان شي مرَّة الزنبق شاع خبيلي منو شوية