مساكم وصباحكم مشرق كشروق شمس الضحى في وطنا الغالي...
اليوم يا جماعة أهل الخير اجاني ضيوف - والله يجيركن من هيك ضيوف - هن جيران وحبايب وقرايب، وكل هالصفات بتخليني أفرش بيتي بساط أحمر وقلهن يا 100أهلا وسهلا.. بس شو بعمل اذا كانو هالضيوف الغاليين ما بيعجبهن العجب ولا الصيام برجب!!!
انا تربيت على مبدأ على قد بساطك مد اجريك، و القناعة كنز لا يفنى، بس هالمحروسين من عين الله وعين البشر اجو ومحملين اشكال الوان من الأفكار اللي قلبتلي بيتي فوقاني تحتاني, وعلى هذا محلو مش هون، وهذا لو بتحطيه هون، وهذا لو بتزتيه راح موديلو... وكلو شي وجملة ولووو ليش ما بتشتري موكيت متل السجاد بيفرشلك بيتك كلو بدل هالترقيع بهالسجاجيد - شي...
واني على ابتسامي من هون، والله بهونها من هون، وانشالله بس يمرق بياع المصاري بشتري... وعلى تدفيش حكي وترقيع كلام.. وقلبي من جوا بيتقطع تقطيع... وبيني وبين نفسي بقول: يا ربي مطولين عندي!!!
وأخر ما تأخر، قالت وحدي منهن "ليكي يا ام محمود، اني بعرف ان الحرمي هي بتعمر وهي اللي بتدمر وانتي مع كل احترامي الك ما عبشوف شي ببيتك بيدل على عمارك فيه"
بالله هالحكي منطقي يا اخوان!! اسا اذا اني بجي كل سني بغير اثاث بيتي وبزت الفرش والسجاجيد على انو طلع موديل جديد بكون بهيك عبعمر؟؟ وجيبة أبو محمود شو بيكون صار فيها؟... ومستقبل أولادي اللي موقف على كم قرش فوق كم قرش حتى عمرلهن وجوزهن وما قصر بحقهن، بجي حطهن ببيت مليان من أحسن الأثاث بس منشان ارضي فلاني وعلاني ويكون بيتي حلو ويقولو عني ست بيتها وبيتها بيجنن.. هذا ولو فرضنا انهن اجو السني اللي بعدها وما عجبهن الأثاث الجديد، أكيد راح يكون طلع موديلات احلا وأجمل وراح يجو وينتقدوني...
بس ولا يهمكن... اني بصراحة ما قيدت عليهن لأني مش مضطرة اعمل حرب مع ابو محمود كرمال جاراتي اللي كل وحدي فيهن عاملتلي حالها فيلسوفة عصرها, والله وكيلكن بفوت على بيوتهن ولا مره شفت شي يلفت نظري ولا بعمري تمنيت قطعة اثاث ببيتهن تكون عندي .. لأني بشوف بيتي قصر وما فش بيت اجمل من بيتي ( قلتلكن القناعة كنز لا يفنى).
بس المشكلي الأصعب واللي بتخلي لزمان البيوت أفضل الحلول.. اذا صار واجتمعنا كم ست من ستات هالمجتمع بتنوع حالات .. ما بتسمع شي غير "شفتي بيت فلاني جابت ثريا بتجنن، وشفتي فلان شو مسوي بالحديقة، وشفتي هذا وشفتي هذيك... ومن بكرا راح جيب متل فلاني كثير عجبني طقم الكنبيات... وحكي ما الو اول ولا أخر وبلا طعمي كلو بيظهر فلاس عقلي وفلاس جيوب..
وبالنهاي الكل بيطلع مش رضيان وكل وحدي فينا عينها على جارتها شو جابت وشو باعت وشو زتت بالزبالي..
وما إلكن عليي يمين بانو ام رامي قبل كم يوم زتت طقم كنبايات اخر صرعه ما الو سني عندها، بس لأن بيت خيها جابو طقم اجد واجمل.. واذا سألتها ليش حرام هيك بتقلك "الراحة في التغير"، اكيد راحتها هي مش راحة زوجها اللي بيشتغل ليل نهار حتى يـأمنلهن افضل عيشي...
لا وبتجي ام أكرم اللي بيتها قد حبة العدس بتجيب طاولة سفرة هالقد قدها بتحشرها بزاوية من زوايا البيت لأن المطبخ عندها صغير وما بيوس .. طيب ليش يا قلبي شو بدك فيها.. هيك عجبتني الكاولي عند سلفتي واشتريتها... هي مش احسن مني...
اكيد ما في حدا أحسن من حدا، بس يا جماعة كل بيت بيعرف امكانياتو.. واللي بيقدر يشتري ويبدل كل سني الله يزيد ويبارك، وعلى قد احلامو ربنا يعطيه.. بس ليش حتى نزهد الرضياني ببيتها وقبلاني بوضعها المادي ومبسوطة مع زوجها ونخليها تزهد بكل شي حولها وتقيم الدنيا وما تقعدها وتقوم الحرب الأهلية اللي ممكن تنسفها من شروشها بشي "كلمي ذريه" لعند أهلها وبهيك بتكون بجد عمرت.. والفضل الكن يا نسوان الحارة .. كثر الله خيركن ...
بس كلمة سر بيني وبينكن خلوها بيناتنا, مش كل مرأة بتمون تغير ببيتها، في بيوت الحاكم المستبد هو الرجل وممنوع منعا باتا تغير اي شي غير بأمر منو واكيد بهيك وضع بتكون الأوامر صارمة، فألله يخليكن ان شفتو بيت ركيك شوي مش على ذوقكن الرفيع بلاها الاقتراحات اللي بتزيد على قلب المرا غصة فوق غصة.
اليوم يا جماعة أهل الخير اجاني ضيوف - والله يجيركن من هيك ضيوف - هن جيران وحبايب وقرايب، وكل هالصفات بتخليني أفرش بيتي بساط أحمر وقلهن يا 100أهلا وسهلا.. بس شو بعمل اذا كانو هالضيوف الغاليين ما بيعجبهن العجب ولا الصيام برجب!!!
انا تربيت على مبدأ على قد بساطك مد اجريك، و القناعة كنز لا يفنى، بس هالمحروسين من عين الله وعين البشر اجو ومحملين اشكال الوان من الأفكار اللي قلبتلي بيتي فوقاني تحتاني, وعلى هذا محلو مش هون، وهذا لو بتحطيه هون، وهذا لو بتزتيه راح موديلو... وكلو شي وجملة ولووو ليش ما بتشتري موكيت متل السجاد بيفرشلك بيتك كلو بدل هالترقيع بهالسجاجيد - شي...
واني على ابتسامي من هون، والله بهونها من هون، وانشالله بس يمرق بياع المصاري بشتري... وعلى تدفيش حكي وترقيع كلام.. وقلبي من جوا بيتقطع تقطيع... وبيني وبين نفسي بقول: يا ربي مطولين عندي!!!
وأخر ما تأخر، قالت وحدي منهن "ليكي يا ام محمود، اني بعرف ان الحرمي هي بتعمر وهي اللي بتدمر وانتي مع كل احترامي الك ما عبشوف شي ببيتك بيدل على عمارك فيه"
بالله هالحكي منطقي يا اخوان!! اسا اذا اني بجي كل سني بغير اثاث بيتي وبزت الفرش والسجاجيد على انو طلع موديل جديد بكون بهيك عبعمر؟؟ وجيبة أبو محمود شو بيكون صار فيها؟... ومستقبل أولادي اللي موقف على كم قرش فوق كم قرش حتى عمرلهن وجوزهن وما قصر بحقهن، بجي حطهن ببيت مليان من أحسن الأثاث بس منشان ارضي فلاني وعلاني ويكون بيتي حلو ويقولو عني ست بيتها وبيتها بيجنن.. هذا ولو فرضنا انهن اجو السني اللي بعدها وما عجبهن الأثاث الجديد، أكيد راح يكون طلع موديلات احلا وأجمل وراح يجو وينتقدوني...
بس ولا يهمكن... اني بصراحة ما قيدت عليهن لأني مش مضطرة اعمل حرب مع ابو محمود كرمال جاراتي اللي كل وحدي فيهن عاملتلي حالها فيلسوفة عصرها, والله وكيلكن بفوت على بيوتهن ولا مره شفت شي يلفت نظري ولا بعمري تمنيت قطعة اثاث ببيتهن تكون عندي .. لأني بشوف بيتي قصر وما فش بيت اجمل من بيتي ( قلتلكن القناعة كنز لا يفنى).
بس المشكلي الأصعب واللي بتخلي لزمان البيوت أفضل الحلول.. اذا صار واجتمعنا كم ست من ستات هالمجتمع بتنوع حالات .. ما بتسمع شي غير "شفتي بيت فلاني جابت ثريا بتجنن، وشفتي فلان شو مسوي بالحديقة، وشفتي هذا وشفتي هذيك... ومن بكرا راح جيب متل فلاني كثير عجبني طقم الكنبيات... وحكي ما الو اول ولا أخر وبلا طعمي كلو بيظهر فلاس عقلي وفلاس جيوب..
وبالنهاي الكل بيطلع مش رضيان وكل وحدي فينا عينها على جارتها شو جابت وشو باعت وشو زتت بالزبالي..
وما إلكن عليي يمين بانو ام رامي قبل كم يوم زتت طقم كنبايات اخر صرعه ما الو سني عندها، بس لأن بيت خيها جابو طقم اجد واجمل.. واذا سألتها ليش حرام هيك بتقلك "الراحة في التغير"، اكيد راحتها هي مش راحة زوجها اللي بيشتغل ليل نهار حتى يـأمنلهن افضل عيشي...
لا وبتجي ام أكرم اللي بيتها قد حبة العدس بتجيب طاولة سفرة هالقد قدها بتحشرها بزاوية من زوايا البيت لأن المطبخ عندها صغير وما بيوس .. طيب ليش يا قلبي شو بدك فيها.. هيك عجبتني الكاولي عند سلفتي واشتريتها... هي مش احسن مني...
اكيد ما في حدا أحسن من حدا، بس يا جماعة كل بيت بيعرف امكانياتو.. واللي بيقدر يشتري ويبدل كل سني الله يزيد ويبارك، وعلى قد احلامو ربنا يعطيه.. بس ليش حتى نزهد الرضياني ببيتها وقبلاني بوضعها المادي ومبسوطة مع زوجها ونخليها تزهد بكل شي حولها وتقيم الدنيا وما تقعدها وتقوم الحرب الأهلية اللي ممكن تنسفها من شروشها بشي "كلمي ذريه" لعند أهلها وبهيك بتكون بجد عمرت.. والفضل الكن يا نسوان الحارة .. كثر الله خيركن ...
بس كلمة سر بيني وبينكن خلوها بيناتنا, مش كل مرأة بتمون تغير ببيتها، في بيوت الحاكم المستبد هو الرجل وممنوع منعا باتا تغير اي شي غير بأمر منو واكيد بهيك وضع بتكون الأوامر صارمة، فألله يخليكن ان شفتو بيت ركيك شوي مش على ذوقكن الرفيع بلاها الاقتراحات اللي بتزيد على قلب المرا غصة فوق غصة.